Housefull - 2

హిందీ సినిమాల్లో ఈ మధ్య కామెడీ వి బాగా హిట్ అవుతున్నాయి కానీ నేను మాత్రం ఎందుకో ధైర్యం చేయలేకపోయాను ఇన్ని రోజులూ అలాంటి సినిమాలు చూడటానికి. అప్పుడెప్పుడో 'రెడీ' చూసాను, అదేమో నాకు నచ్చలేదు. అందుకే ఈ సారి ఎలాంటి expectations పెట్టుకోకుండా వెళ్లాను ఈ సినిమాకి.

సూపర్ అని చెప్పలేను కానీ బాగుంది సినిమా. వల్గర్, చీప్ కామెడీ లేకుండా హాయిగా మనసారా నవ్వుకునే హాస్యం వుంది సినిమా అంతా. కథ తెలుగు లో వచ్చిన 'హంగామా' సినిమా ని పోలి వుంది (ఆ సినిమా నేను మొత్తం చూడలేదు కానీ టీవీ లో వచ్చే ముక్కలు చూశాను). లాజిక్ ని పక్కన పెట్టి నలుగురి జంటల మధ్య వచ్చే confusion వలన పుట్టిన కామెడీ ని ఎంజాయ్ చేసి రావొచ్చు . నటీ నటులందరూ వాళ్ళ వాళ్ళ రోల్స్ కి తగ్గట్టు బాగా చేసారు. పాటలు రెండు బాగున్నాయి, మిగతా రెండు పర్లేదనిపించాయి.

మరి కొన్ని సినిమాలు..

ఈ మధ్య పూల రంగడు, ఈ రోజుల్లో, Agent వినోద్ చూసాను కానీ వాటి గురించి ఇక్కడ రాయలేదు. అందుకే ఈ పోస్ట్ లో ఒకేసారి లాగించేస్తున్నా :)

పూల రంగడు

అవుట్ n అవుట్ కామెడీ entertainer . సినిమా చూస్తున్నంత సేపూ 'మర్యాద రామన్న' కథలోని shades గుర్తొస్తుంటాయి. పాటలు రెండు మూడు పర్లేదు. సునీల్ ని కామెడీ హీరో గా అయితే చూడగలిగాను కానీ సీరియస్ fight లో, అదీ సిక్స్ ప్యాక్ తో అస్సలు భరించలేకపోయాను. హీరోయిన్ జస్ట్ ఓకే. ఎలాంటి expectations పెట్టుకోకుండా లాజిక్ గురించి ఆలోచించకుండా చూస్తే ఈ సినిమా నచ్చుతుంది.

Agent వినోద్

బాండ్ సినిమాల నుండి inspire అయ్యి తీసిన ఈ మూవీ కూడా జస్ట్ average అనిపించింది నాకు. ఫాస్ట్ paced narration వలన కథ పూర్తిగా అర్ధం కాలేదు నాకు (తర్వాత నెట్ లో చదివాను) హీరో పర్లేదనిపించాడు. హీరో-హీరోయిన్ కి ఆన్-స్క్రీన్ రొమాన్స్ కి అసలు ఛాన్స్ ఇవ్వలేదు కానీ వాళ్ళ వాళ్ళ పాత్రల్లో బాగా నటించారు.. పాటలు పర్లేదు. Trailer లో కామెడీ సాంగ్ చూసి అలాంటి సినిమానే అనుకుని వెళ్లాను కానీ సీరియస్ మూవీ నే. సైఫ్ ని సీరియస్ రోల్ లో చూడటం బాగుంది. సినిమాలో బోల్డు దేశాలు చుట్టేశారు :) మొత్తానికి ఒక సారి చూడొచ్చు అంతే.

ఈ రోజుల్లో

సినిమాకి మంచి టాక్ రావడం తో మూడో వారం లో వెళ్లాం. నాకు నచ్చింది. కథ లో ఎం కొత్తదనం లేకపోయినా, narration బాగుంది. హీరో పక్కింటి అబ్బాయిలా వున్నాడు. హీరో లక్షణం ఒక్కటంటే ఒక్కటి కూడా కనిపించలేదు ఇతనిలో. బహుశా అదే ఈ రోల్ లో ఇతనికి ప్లస్ అయి వుంటుంది. హీరోయిన్ కి కొద్దిగా త్రిష పోలికలున్నాయి. తెలుగమ్మాయి అట. చక్కగా వుంది. హీరో-హీరోయిన్ ఇద్దరూ వారి వారి పాత్రల్లో ఒదిగిపోయి నటించారు. మ్యూజిక్ బాగుంది. "రింగ్ ట్రింగ్" పాట సరదాగా బాగుంది. ఫ్రెష్ ఫీల్ తో వుంది సినిమా అంతా. పెద్ద వాళ్లకి నచ్చకపోవచ్చు కానీ యూత్ కి బాగా నచ్చుతుంది. వాళ్ళని టార్గెట్ చేసుకుని తీసిన సినిమానే ఇది. మూడో వారం లో కూడా collections బాగున్నాయి.

అగ్నిపధ్

అమితాబ్ బచ్చన్ నటించిన పాత అగ్నిపధ్ సినిమా నేను చూడలేదు. కనుక ఈ సినిమాకి నేను ఎలాంటి expectations తో వెళ్ళలేదు. కేవలం హ్రితిక్ రోషన్ కోసం ఈ సినిమా చూడాలనుకున్నాను.సినిమా average గా అనిపించింది. 1990 లో వచ్చిన సినిమా లో కథలాగానే అనిపించింది.హీరో చిన్నతనంలో తండ్రి ని పోగొట్టుకోడం, తల్లితో దూరంగా వెళ్ళడం, తండ్రి చావుకి కారణమయిన వాడి మీద పగ పెంచుకోడం, ఈ నేపధ్యంలో తల్లికి దూరం కావడం, చెల్లెలి సెంటిమెంట్ ఇవంతా అప్పటి సినిమాల్లో ఉన్నదే. అయితే నటీనటుల పెర్ఫార్మన్స్, బ్యాక్ గ్రౌండ్ మ్యూజిక్, సినిమాటోగ్రఫీ, స్క్రీన్ ప్లే ఈ పాత కథకి కొత్త ప్రాణం పోశాయి.

ముఖ్యంగా సంజయ్ దత్ నటన, ఆహార్యం చాలా ఆకట్టుకున్నాయి. ఇప్పటి సినిమాల్లో విలన్ అంటే హీరో కంటే స్టైల్ గా, అందంగా ఉంటున్నాడు . ఇందులో మాత్రం విలన్ భయంకరంగా వున్నాడు. భీభత్సంగా నటించేసాడు. పండు గాడయితే స్క్రీన్ మీద సంజయ్ దత్ ని చూడగానే అమ్మ బూచి అని చెప్పి నా వేపు తిరిగి పడుకుండిపోయాడు. ఇక హీరో హ్రితిక్ కూడా చాలా బాగున్నాడు ఎప్పటిలాగానే. హీరో మనసులో దాగి ఉన్న బాధ, కసి, కోపం, తపన అన్నీ అతని కళ్ళలో ప్రతిఫలిస్తాయి. కేవలం కళ్ళతోనే నా లాంటి ప్రేక్షకులకి మంత్రం వేసేసాడు :D రిషి కపూర్ గుండు లా వున్నాడు కానీ అతని పోర్షన్ కూడా బాగుంది. ప్రియాంక చోప్రా పర్లేదు. ఇక ఐటెం సాంగ్ నాకేం నచ్చలేదు. దీనికంటే 'తీస్ మార్ ఖాన్' లో 'షీలా కీ జవాని' చాలా బెటర్ అనిపించింది. అయితే పాటలో కత్రినా మాత్రం బాగుంది.

సినిమా మొదటి 20 నిమిషాలు నాకు చాలా నచ్చింది. సెకండ్ హాఫ్ మాత్రం కొంచెం నిడివి ఎక్కువయినట్టనిపించింది. సినిమాలో ముఖ్యమయిన పాత్రలన్నీ చనిపోవడం కొంచెం కష్టంగా తోచింది నాకు :( మొత్తానికి ఒక సారి చూసెయ్యొచ్చు.