మల్లెమాల గారి గురించి తలచుకోగానే నాకు గుర్తొచ్చేవి రెండే విషయాలు, అంకుశం సినిమాలో ఆయన రోల్, బాల రామాయణం సినిమా. ఆయన్ని చూస్తే పాత కాలం లో వుండే స్ట్రిక్ట్ ప్రధానోపాధ్యాయుడు గుర్తొస్తారు. ఈ మధ్య ఆయన తన గురించి రాసుకున్న ఈ పుస్తకం గురించి చాలా వార్తలే విన్నాను.ఇలాంటివి విన్న కొద్దీ చదవాలన్న ఆసక్తి పెరుగుతుంది కదా. పైగా మా జిల్లా ఆయన కదా, ఇక చదవాలనే అనుకున్నాను. అమ్మమ్మ దగ్గర ఈ పుస్తకం వుంది, చదివేసాను.
మల్లెమాల గారు కవి అని తెల్సు కానీ ఎప్పుడూ ఆయన రాసిన గేయాలు, గట్రా చదవలేదు. ఈ పుస్తకంలో చదువుతున్నప్పుడు హై-స్కూల్ చదువు కూడా లేకపోయినా ఇంత బాగా ఛందస్సు, వ్యాకరణం మీద పట్టు సాధించడం చాలా గొప్ప విషయమే అనిపించింది. ఇక ఆయన మనసు విప్పి తన గురించి చెప్పుకున్న విషయాలలో ఎక్కువ భాగం తను సాధించిన విజయాల గురించే వున్నా కూడా ఏంటో చాలా మామూలుగా చెప్పినట్టే వుంది కానీ కావాలని తన గురించి తాను ఎక్కువ చేసి గొప్పలు చెప్పుకున్నట్టు లేదు. రామారావు, శోభన్ బాబు, గుణశేఖర్, బుజ్జి రామారావు (Jr NTR ), శ్యాం ప్రసాద్ రెడ్డి - వీళ్ళందరి గురించి విమర్శించారు. వీళ్ళంతా కూడా మనకి ఒక రకమయిన వ్యక్తులుగానే తెలుసు, కానీ ప్రతి ఒక్కరిలో వేరు వేరు కోణాలున్నట్టే వీరి జీవితంలో కూడా మనకి తెలీని చాలానే విషయాలు జరిగి ఉండి ఉండవచ్చు. మల్లెమాల గారు తనకి ఎదురయిన చెడు అనుభవాలు వ్యక్తపరిచే క్రమంలో వీళ్ళ పేర్లు బయటకి వచ్చాయి, అంతే. ఇవి నిజాలా కాదా అనేది నేను పట్టించుకోను. ఆయా వ్యక్తుల మీద నాకు అంతకు ముందున్న అభిప్రాయం ఇవి చదివాక మారదు కూడా :)
మొత్తం మీద పుస్తకం అయితే బాగుంది.
No comments:
Post a Comment